Galdera ohikoenak jaso ditugu azkar baten argitu ditzazun<\/p>\n
Kide izango zaren kooperatiba eta instalazio fotovoltaikoaren sortze prozesu guztian bidelagun izango gaituzu.<\/p>\n
Behin prozesua amaitu ostean, zure ekoizpenaren, kooperatibak erabakitako prezioaren eta zure parte-hartze portzentaiaren araberako onurak jasoko dituzu.<\/p>\n
Kooperatibista bakoitzaren ehunekoa bere kontsumoaren arabera ezartzen da, % 100eko estaldura izan dezan helburuarekin.<\/p>\n
Hortaz gain, kooperatibistek beraien argi kontratua Ekiluz Energiarekin izango dute. Horrela, beraien fakturara beraien instalazio fotovoltaikoak ekoiztutako energia bideratzeko aukera izango dute.<\/p>\n\t\t\t\tZeintzuk dira kooperatibistaren onurak?\n\t\t\t\t\t
\u2022 Zure energiaren jabe izan eta zure sortze-iturrian parte hartu, tokian-tokian, zure herrian.
\u2022 Zure instalazioak ekoiztutako energia saldu eta prezioa zure Ekiluz Energia fakturan jaso.
\u2022 Hasierako inbertsioaren itzulpena jaso.
\u2022 Energia berriztagarria kontsumitu.
\u2022 Energia bidezko prezioan ordaindu, ezkutuko marginik gabe.
\u2022 Bezeroentzako gertuko arreta zerbitzu pertsonalizatua izan.<\/p>\n\t\t\t\tNolakoa izango da zure faktura?\n\t\t\t\t\t
Kontzeptu bakoitza modu gardenean zehaztuko dugu eta aurrezteko gomendioak emango dizkizugu. Faktura bakar batean batuko dugu zure instalazio fotovoltaikoaren kudeaketarekin zerikusia duen guztia: ekoiztutako energia, hasierko inbertsioaren itzulpenak, zure kontsumoaren garapena zure ekoizpenarekiko, etab.<\/p>\n
Kasu bakoitza aztertzen dugunean, familia bakoitzaren kontsumoaren eta kokapen bakoitzeko eguzki ekoizpenaren azterketa zehatza egiten dugu. Horrela, erostea proposatzen dugun panel kopuruak zure behar energetikoak estalduko dituela ziurtatzen dugu.<\/p>\n
Ondorioz, Ekiluz instalazioaren onurak jaso ditzaketen familia kopurua mugatuta dago. Edozein modutan, promozio batetik kanpo gelditu bazara, bigarren fase batean instalazio fotovoltaikoaren zabalkundea planteatu daiteke.<\/p>\n\t\t\t\tZer gertatzen da nire panelak ekoiztutako energia baino gehiago kontsumitzen badut? Eta gutxiago kontsumitzen badut?\n\t\t\t\t\t
Ekiluzen ideia da bazkide bakoitzak bere instalazio fotovoltaikoarekin bere urteko kontsumoa ekoiztea. Hala ere, urtarokotasuna eta gure kontsumo aldaketak medio (neguan ekoizpen txikiagoa eta udan ekoizpen handiagoa), momentu batzuetan kontsumoak eta ekoizpenak ez dute bat egiten.<\/p>\n
Ekoizten duzuna baino gutxiago kontsumitzen duzun momentuetan soberakinak zure faktura elektrikoan ageriko dira. Hau da, ekoizten duzun eta kontsumitzen ez duzun energia ordaindu egingo zaizu instalazio fotovoltaikoaren energia erosten duzun prezioaren eta une bakoitzeko merkatuaren prezioaren arteko diferentzialean baloratua.<\/p>\n
Ekoiztutakoa baino gehiago kontsumitzen duzun momentuetan, sareko energia ahalbideratuko dizugu kostuko prezioan eta beti berriztagarria del bermatuz.<\/p>\n\t\t\t\tZenbat aurreztuko dut? Eta zenbat inbertitu behar dut?\n\t\t\t\t\t
Aurreztutakoa eta panelak erosteko inbertitutakoa proiektu bakoitzaren arabera aldatu daiteke: kokapena, lursaila, argi orduak, zure kontsumoa, etab. Horregatik, nahiago dugu kasu bakoitza aztertu eta kalkulu zehatzago bat eman.<\/p>\n
Informazio hau txosten pertsonalizatu bidez emango zaio parte hartzeko interesatuta dagoen herritar bakoitzari.<\/p>\n
Zure energia hornidura beti sare elektrikotik dator, beraz egun lainotsuetan zein gauetan zure hornidura bermatuta dago. Edonola ere, bai zure eguzki instalaziotik badator bai saretik badator, energia beti berriztagarria izango dela bermatzen dugu.<\/p>\n
Bete zure datuak eta lehenbailehen jarriko gara zurekin kontaktuan.<\/p>\n\t\t